Nú er aðeins ein sýning eftir af gamanleikritinu Blúndur og blásýra!
Þessi drepfyndna sýning hefur aldeilis kitlað hláturtaugar áhorfenda í haust sem og okkar sem komum að sýningunni.
Ef þú hefur ekki séð Blúndur og blásýru nú þegar þá mælum við með að þið tryggið ykkur miða á lokasýninguna áður en það verður of seint.
Miðasala í síma 857 5598 og á tix.is
Því miður verðum við að fella niður sýningu á Blúndum og blásýru næstkomandi föstudag, 22. nóvember.
Það þýðir að aðeins eru þrjár sýningar eftir af þessu frábæra gamanleikriti, en Blúndur og blásýra verður sýnt á laugardögum kl. 20, 23. nóv, 30. nóv og 7. des.
Ekki missa af þessari drepfyndnu sýningu og pantaðu miða í síma 857 5598 eða á tix.is.
Kæru vinir.
Þann 16. nóvember næstkomandi verður hin reglubundna Minningarsýning leikfélagsins, en þar heiðrum við þá félaga okkar sem eru fallnir frá.
Allur ágóði minningarsýninga fer í sjóð sem félagar Freyvangsleikhússins geta sótt styrki í fyrir námskeið tengd sviðslistum.
Hægt er að panta miða í síma 857 5598 og á tix.is
Hlökkum til að sjá sem flesta til að minnast með okkur þessa góða fólks og styrkja arfleið þeirra í leikhúsinu.
Kæru vinir og félagar.
Í gærkvöldi frumsýndum við Blúndur og blásýru við alveg hreint frábærar viðtökur.
Mikil gleði var í húsinu, hjá hópnum okkar sem og áhorfendum og fannst okkur sem að þakið ætlaði af húsinu af hlátrasköllunum. Eftir 7 vikna ferli með yndislegum hóp er þetta bráðskemmtilega leikrit loksins komið í sýningu og er hópurinn okkar uppfullur af ást, hamingju og þakklæti til áhorfenda. Ríkir því mikil tilhlökkun í hópnum til að deila gleðinni með ykkur hinum.
Það eru en þá lausir miðar á sýninguna hjá okkur í kvöld sem og næstu helgar. Hægt er að panta miða í síma 857 5598 og á tix.is.
Takk fyrir kærlega fyrir okkur.
Hlökkum til að sjá þig og þína í leikhúsinu.
Það er mikil tilhlökkun hjá okkur í dag en gamanleikritið Blúndur og blásýra í leikstjórn Völu Fannell verður frumsýnt kl. 20 í kvöld!
Margar hendur vinna létt verk og það er mjög kraftmikill hópur sem kemur að sýningunni, hvort sem á sviði eða utan þess og mikil gleði hefur ríkt í húsinu á þessu ferli og það er alltaf jafn ótrúlegt hvað flottur hópur getur áorkað miklu á stuttum tíma. En nú er komið að frumsýningu og hlakkar hópinn mikið til að skila árangri síðustu vikna til áhorfenda og leyfa öðrum að njóta.
Poj-poj! Tu-tu! og þrefalt húrra!
Hittumst heil, í leikhúsinu okkar.
Miðasalan er í fullum gangi, hægt er að panta miða í síma 857 5598 og á tix.is
Hvað heitir þú? Guðjón Ólafsson
Hvað ertu gamall/gömul? 64
Hvað fékkstu þér í morgunmat? Ristað brauð og te
Hvern leikur þú í leikritinu Blúndur og blásýra? Rooney varðstjóra
Hvað finnst þér skemmtilegast við karakterinn þinn? Hvað hann á margt sameiginlegt með Adam nokkrum Hoskins.
Hefurðu einhvern leyndan hæfileika, og hver er hann? Allir mínir hæfileikar eru augljósir.
Hvað hefur þú stundað leiklist lengi? frá 1983
Hefurðu starfað með Freyvangsleikhúsinu áður? Já
Hvað fékk þig til að fara út í leiklist? Mig vantaði eitthvað að gera og Litla Leikklúbbinn vantaði leikara.
Hvað viltu verða þegar þú verður „stór“? Eftirlaunaþegi
Hvað keyptirðu fyrir peningana sem Frúin í Hamborg gaf þér? Flugmódel
Og að lokum…. Af öllum mótleikurum þínum, hver heldurðu að hafi stolið kökunni úr krúsinni í gær? Daði
Miðasala fyrir Blúndur og blásýru í Freyvangi er opin!
Hægt er að panta miða á tix.is og í síma 857-5598 kl. 14-17 alla virka daga.
Hvað heitir þú? Geirþrúður Gunnhildardóttir Gunnarsdóttir
Hvað ertu gamall/gömul? 29 í fjórtánda skiptið.
Hvað fékkstu þér í morgunmat? Í Cocoa Puffs.
Hvern leikur þú í leikritinu Blúndur og blásýra? Mörtu Brewster.
Hvað finnst þér skemmtilegast við karakterinn þinn? Hún er svo kaldhæðin.
Hefurðu einhvern leyndan hæfileika, og hver er hann? Ég er góð í að skræla epli.
Hvað hefur þú stundað leiklist lengi? Nei.
Hefurðu starfað með Freyvangsleikhúsinu áður? Já.
Hvað fékk þig til að fara út í leiklist? Athyglissýki (eða kannski er þetta bara í genunum).
Hvað viltu verða þegar þú verður „stór“? Ég verð aldrei stór! Er rétt yfir dvergamörkum.
Hvað keyptirðu fyrir peningana sem Frúin í Hamborg gaf þér? Karamellu frappó og skó.
Og að lokum…. Af öllum mótleikurum þínum, hver heldurðu að hafi stolið kökunni úr krúsinni í gær? Klárlega Daði, hann þarf næga orku fyrir æsinginn.
Miðasala fyrir Blúndur og blásýru í Freyvangi er opin!
Hægt er að panta miða á tix.is og í síma 857-5598 kl. 14-17 alla virka daga.
Hvað heitir þú? Inga María Ellertsdóttir.
Hvað ertu gamall/gömul? 38, nálgast 39 óðfluga.
Hvað fékkstu þér í morgunmat? Í 1. Morgunmat; Jógúrt með cheerios ásamt kaffibolla, vítamín og vatnsglas. Í 2. Morgunmat; glas af mjólk, nokkrar kexkökur og meira vatn.
Hvern leikur þú í leikritinu Blúndur og blásýra? Ég leik Abby Brewster.
Hvað finnst þér skemmtilegast við karakterinn þinn? Hún drepur fólk og fær að komast upp með það. Vildi að lífið væri svona einfalt í raunveruleikanum… Elska líka fötin hennar!
Hefurðu einhvern leyndan hæfileika, og hver er hann? Ef ég segi ykkur það þá er hann ekki leyndur lengur…
Hvað hefur þú stundað leiklist lengi? Nokkurnveginn alla mína ævi ,með misgóðum árangri…
Hefurðu starfað með Freyvangsleikhúsinu áður? Já, þetta er mitt 7. Skipti hjá Freyvangsleikhúsinu.
Hvað fékk þig til að fara út í leiklist? Eilífðardraumur um frægð og frama með dass af athyglissýki og gríðarlegri ánægju af því að koma fram og skemmta fólki.
Hvað viltu verða þegar þú verður „stór“? Alveg ofboðslega frægur!
Hvað keyptirðu fyrir peningana sem Frúin í Hamborg gaf þér? Óákveðinn zebrahest! (Djók, örugglega bara nammi.)
Og að lokum…. Af öllum mótleikurum þínum, hver heldurðu að hafi stolið kökunni úr krúsinni í gær? Hann Gunni stal kökunni úr krúsinni í gær!
Miðasala fyrir Blúndur og blásýru í Freyvangi er opin!
Hægt er að panta miða á tix.is og í síma 857-5598 kl. 14-17 alla virka daga.
Hvað heitir þú? Ég heiti Hjálmar, kallaður Hjalli.
Hvað ertu gamall/gömul? Alveg nógu gamall.
Hvað fékkstu þér í morgunmat? Tesopa og blúndubollur
Hvern leikur þú í leikritinu Blúndur og blásýra? Ég leik Jack Brophy, verkefnastjóra í lögreglunni.
Hvað finnst þér skemmtilegast við karakterinn þinn? Hann er svo einfaldur, en samt svo flókinn.
Hefurðu einhvern leyndan hæfileika, og hver er hann? Leyndó! Næsta spurning.
Hvað hefur þú stundað leiklist lengi? Allt of lengi.
Hefurðu starfað með Freyvangsleikhúsinu áður? Já, síðan 2001
Hvað fékk þig til að fara út í leiklist? Ég var alltaf settur í aðalhlutverkin í skólaleikritunum
Hvað viltu verða þegar þú verður „stór“? Lítill
Hvað keyptirðu fyrir peningana sem Frúin í Hamborg gaf þér? Ég keypti mér spurningahefti
Og að lokum…. Af öllum mótleikurum þínum, hver heldurðu að hafi stolið kökunni úr krúsinni í gær? Geirþrúður er fingralöng
Miðasala fyrir Blúndur og blásýru í Freyvangi er opin!
Hægt er að panta miða á tix.is og í síma 857-5598 kl. 14-17 alla virka daga.
Hvað heitir þú? Ragnar Bollason
Hvað ertu gamall/gömul? 24 ára
Hvað fékkstu þér í morgunmat? Loft
Hvern leikur þú í leikritinu Blúndur og blásýra? O’hara lögregluþjón
Hvað finnst þér skemmtilegast við karakterinn þinn? Að hann sé handritshöfundur eins og ég.
Hefurðu einhvern leyndan hæfileika, og hver er hann? Er nokkuð góður í eftirhermum.
Hvað hefur þú stundað leiklist lengi? Frá því að ég man eftir mér.
Hefurðu starfað með Freyvangsleikhúsinu áður? Já, já margoft t.d. Í Fiðlaranum á þakinu, Klaufar og Kóngsdættur, Lína Langsokkur o.fl.
Hvað fékk þig til að fara út í leiklist? Ég fór á litlu Hryllingsbúðina einhvertíman þegar ég var yngri og eftir þá sýningu ákvað ég ,,Þetta er eitthvað sem mig langar að gera“ svo er ég búinn að vera í leiklist alveg frá því að ég man eftir mér.
Hvað viltu verða þegar þú verður „stór“? Ég held að ég vilji nú ekki verða mikið ,,stærri“ heldur en ég er núna, en ætli það verði ekki eitthvað list-tengt.
Hvað keyptirðu fyrir peningana sem Frúin í Hamborg gaf þér? Viskí
Og að lokum…. Af öllum mótleikurum þínum, hver heldurðu að hafi stolið kökunni úr krúsinni í gær? Örugglega Daði sem leikur Mortimer hann er eitthvað svo stressaður þarna upp á sviðinu að það hlýtur að vera hann ef ekki hann þá er það þessi þýska þarna sem er alltaf að stela öllu.
Miðasala fyrir Blúndur og blásýru í Freyvangi er opin!
Hægt er að panta miða á tix.is og í síma 857-5598 kl. 14-17 alla virka daga.
