Jæja, þá er loksins komið að því! Leikritið Góði Dátinn Svejk verður frumsýnt næstkomandi föstudag kl. 20:00. Önnur sýning er á laugardaginn kl. 20:00. Við minnum á miðasölusímann: 857-5598 og einnig möguleikann á því að panta miða hér á síðunni. Það er gert undir flipanum “panta miða” hér fyrir ofan.
Við hlökkum til að sjá ykkur!
Nú styttist í frumsýningardag. Fljótlega koma hér inn á síðuna upplýsingar um sýningar, óhætt er þó að segja að sýningin verði sýnd flest föstudags og laugardagskvöld kl. 20:00 fram á vor.Það er hægt að panta miða hér að ofan þar sem stendur “panta miða”. Einnig er hægt að hringja í miðasölusíminn, 857-5598, frá og með miðvikudeginum 16. febrúar. Síminn verður opinn alla virka daga frá kl. 17:00 og um helgar frá kl. 10:00.
Hér til hliðar er hægt að fara inn á Flickr síðu okkar og sjá nokkrar myndir frá æfingum. Einnig viljum við minna á Facebook síðu okkar en tengill á hana er líka hér til hægri undir “tenglar”.
Hlökkum til að sjá sem flesta.
Laugardaginn 19. febrúar mun Freyvangsleikhúsið frumsýna með pomp og prakt leikritið Góða Dátann Svejk. Sýningin hefst 20:00. Á næstu dögum mun upplýsingar um næstu sýningar koma inn á síðuna. Miðaverð er 2.900 krónur.
Stjórn Freyvangsleikhússins vill óska meðlimum sínum, vinum og velunnurum gleðilegs nýs árs með kærum þökkum fyrir árið sem nú er við það að kveðja.
Við þökkum frábærar móttökur á árinu og vonum að sem flestir sjái sér fært að mæta á uppsetningu okkar á Góða dátanum Svejk sem verður frumsýnt í febrúar á nýju ári. Lifið heil.
Eins og áður hefur komið fram mun Freyvangsleikhúsið frumsýna Góða Dátann Svejk í febrúar á komandi ári.
Leikstjóri er Þór Tulinius.
Leikritið hefur verið sýnt víða um heim síðustu ár og áratugi við miklar vinsældir. Uppfærsla Freyvangsleikhússins mun skarta fjölda leikara sem takast á við mörg og krefjandi hlutverk. Sýningin er full af gleði, glens og líflegri tónlist.
Í tilefni af þessu hefur verið hafin sala á gjafabréfum sem eru tilvalin í jólapakkann í ár. Þau má nálgast í verslun Eymundsson á Akureyri og kosta þau 2500 krónur. Hvert gjafabréf gildir fyrir einn.
Við viljum minna á fyrsta samlestur á Góða Dátanum Svejk sem fram fer fimmtudagskvöldið 25. nóvember klukkan 20:00 í Freyvangi.
Svo mun verða eitthvað framhald á föstudagskvöldið og á laugardeginum. Nánari upplýsingar um það annað kvöld.
Allir áhugasamir eru velkomnir.
Fyrsti samlestur á Góða Dátanum Svejk, í leikstjórn Þórs Tuliníus, verður í Freyvangi fimmtudaginn 25. nóvember kl.20:00.
Fylgist nánar með hérna á síðunni, þar sem við setjum tímasetningar og upplýsingar um áframhald.
Föstudagskvöldið 5. nóv. opnar húsið 19:30 og sýningin hefst 20:30. Miðaverð er 1500 kr. og kaffiveitingar eru innifaldar í verðinu.
Laugardagskvöldið 6. nóv. opnar húsið 20:00 og sýningin hefst 21:00 og svo er ekta sveitaball á eftir. Miðaverð er 2500 kr. og aldurstakmark er 16 ára. Hljómsveitin Heykvísl spilar fyrir dansi.
Miðar verða eingöngu seldir við innganginn. Ekki er tekið við miða og borðapöntunum!!
Bannað Börnum er sýnt um helgina. Nú fer hver að verða síðastur að sjá þetta skemmtilega og frumlega verk!
5. sýning 22. október kl. 20:30
6. sýning 23. október kl. 20:30
7. sýning 29. október kl. 20:30
8. sýning 30. október kl. 20:30 – lokasýning
Miðaverð aðeins kr. 2.000,- kr. eða 1.500,- kr. gegn framvísun skólaskírteinis MA, VMA eða HA. Miða er hægt að panta í síma 857 5598 eða hér á heimasíðunni undir flipanum: “Panta miða”.
Á Kistan.is hefur nú birst leikdómur um Bannað börnum. Þar stendur m.a.:
“í Bannað börnum tekst höfundum alveg snilldarvel að tengja gamaldags heim hjátrúar og þjóðsagna við heim nútímamannsins.”
“Texti verksins er mjög fyndinn, bæði hvað varðar heilu atriðin en ekki síður afar húmoríska punkta í miðri dramatíkinni.”
“Leikritið sjálft er alveg fantagott og ekki er ólíklegt að leikararnir sjóist í rullunni þegar fyrstu sýningum er lokið.”
Hægt er að lesa leikdóminn í heild sinni á Kistan.is
Fyrsti fundur vegna komandi Kabaretts verður haldinn í Freyvangi annaðkvöld, 12 október, klukkan 20:00. Allir þeir sem vilja taka þátt í ótrúlega skemmtilegri og gefandi uppákomu eru vinsamlegast beðnir að mæta.
Framundan er góð skemmtun.
Freyvangsleikhúsið 