Á hverju er von á föstudag og laugardag? Skoðaðu þetta og fáðu forsmekkinn að því sem stendur til. Miðasölusími 857-5598, og við innganginn meðan húsrúm leyfir
Vel heppnað Bingó og Stuttverkaskemmtun
Bingó helgarinnar hepnaðist sérlega vel, enda skipulagt af Bingó-reynsluboltum.
Um 120 manns mættu og spiluðu tíu leiki.
Ormur og Jóhanna sáu um að velja bestu tölurnar hverju sinni, en ekki dugði það til að allir gætu unnið en þó gengu allir sáttir frá borði.
Við viljum þakka öllum sem mættu og einnig öllum sem gáfu þessa veglegu vinninga sem í boði voru
Um næstu helgi verður svo stuttverka sýning þar sem sýnd verða nú frumsamin verk. Öll eru þau samin af félögum í Freyvangsleikhúsinu ásamt því að vera leikstýrt og flutt af félögum.
Nánar um stuttverkasýninguna á Fésbókarsíðu félagsins
BÍNGÓ á morgun
Á morgun verður sko Bingo hjá okkur það hefst kl 14.00.
Frábærir og mjög veglegir vinningar til dæmis frá, Nice Air, Norlandair, Skógarböðunum, Jarðböðunum, Zipline, Glerártorgi, Hagkaup, Viking Tattoo, Gullsmiðnum, Slippfélaginu, Jólagarðinum, Lambanum, Hælinu, Kids Coolshop, Menningarfélaginu og fleiri og fleiri og fleiri.
Spjaldið kostar aðeins 500kr.
Aðalfundur 2022
Aðalfundur Freyvangsleikhússins var haldinn 13. september síðastliðinn. Mæting var með ágætum, eða 21. Var þar nokkuð um nýja félaga sem teknir voru inn.
Formaður las svo upp skýrslu stjórnar um leikárið 2021-2022. Árið gekk merkilega vel þrátt fyrir mikinn uppgang covid í lok árs 21 og byrjun árs 22. Meðal annars kom fram að fyrsta fullskipaða æfingin fyrir Kardemommubæinn var 3 dögum fyrir frumsýninguna 4. mars.
Gjaldkeri fór í gegnum reikninga félagsins með fundinum. Fjárhagsleg staða félagsins telst nokkuð góð og kom síðasta leikár út í nokkuð góðum plús
Smávægilegar breytingar voru gerðar á lögum félagsins sem snúa að því að frá 1. október 2022 tekur félagið alfarið við rekstri félagsheimilisins. Bætist við lögin ein grein sem segir að stjórnin geti skipað hússtjórn sem hefur m.a. eftirlit með húsinu. Nánari útfærsla á hlutverki og skyldum hústjórnar verður svo skilgreind í sérstökum reglum fyrir hússtjórn.
Kosið var í stjórn. Kjósa þurfti 3 í aðalstjórn, þar sem einn gekk úr stjórn eftir eitt ár vegna annarra verkefna.
Nýir í aðalstjórn eru:
Sveindís María Sveinsdóttir, var áður í varastjórn
Aðalbjörg Þórólfsdóttir
Eyþór Daði Eyþórsson
Í aðalstjórn sitja áfram Jóhanna S. Ingólfsdóttir formaður og Gunnar Möller varaformaður
Í varastjórn voru kosnir, allir nýir
Katrín Ósk Steingrímsdóttir
Ormur Guðjónsson
Björgvin Kolbeinsson.
Freyvangsleikhúsið þakkar fráfarandi stjórnarmeðlimum vel unnin störf og óskar nýrri stjórn velfarnaðar.
Aðalfundur
Aðalfundur Freyvangsleikhússins er í kvöld 13.september kl.20 í Freyvangi.
Hlökkum til að sjá ykkur
Fjör í Freyvangi
Stuttverkaskemmtunin Fjör í Freyvangi
Nú fer að líða að hausti og ætlum við að byrja haustdagskrána okkar með Fjöri í Freyvangi.
Fyrsti hittingur er miðvikudaginn 31.ágúst kl.20.00 í Freyvangi.
Stuttverkaskemmtunin byggist á því að æfa upp nokkur frumsamin stuttverk/einþáttunga á stuttum tíma og setja á svið tvær sýningar. Áætlunin er að sýna 1.-2. Okt.
Á hitting koma því allir sem hafa áhuga á að taka þátt, hvort sem þú ert skrifandi, langar til að leikstýra, leika eða vera með í búningum, proppsi, sminki eða tækni málum.
Allir velkomnir, alltaf heitt á könnunni.
Hlökkum til að sjá ykkur.
Haust 2022
Nú er haust dagskráinn okkar öll að skríða saman, hérna er sýnishorn af henni og er hún birt með fyrirvara um breytingar.
Ágúst.
31. Hittingur fyrir stuttverkaskemmtun.
September.
3. Harmonikudansleikur
13. Aðalfundur
Bingó
Æfingar fyrir stuttverka skemmtun
Október.
1.-2. Sýningar á stuttverkaskemmtun
22. Fyrsta vetrardags tónleikar. Verk Eiríks Bóassonar.
Æfingar fyrir Karíus og Baktus
Nóvember.
Æfingar á Karíus og Baktus
26. frumsýning á Karíus og Baktus
Nánari upplýsingar um hvern viðburð fyrir sig verða svo auglýstar sérstaklega. Hlökkum til að sjá ykkur sem flest í Freyvangi í haust.
Kveðja Stjórnin.
Kvennaskólaævintýrið
Bíókvöld í Freyvangi.
Fimmtudagskvöldið 30.júní verður bíókvöld í Freyvangi kl.20.
Upptaka af Kvennaskólaævintýrinu verður varpað á tjald, opin sjoppan og barinn.
Aðgangseyrir 1000kr. Posi á staðnum.
hlökkum til að sjá ykkur
Gleðifréttir úr Kardemommubænum
Það er Freyvangsleikhúsinu mikið gleðiefni að tilkynna að styrktarsýningin þann 26.mars sl. skilaði kr.400.000.- sem búið er að afhenda fjölskyldunni. Félagið óskar þeim velfarnaðar í baráttunni og þakkar þeim fjölmörgu sem sóttu sýninguna eða styrktu með framlögum.
Freyvangsleikhúsið 